検索キーワード： ナレーター "Milind Kulkarni" すべてのカテゴリー

शिवण्याच्या मशीनचा शोध लागल्यानंतर जगात ख-या अर्थाने वस्त्र क्रांती झाली. अन्न, वस्त्र, निवारा या माणसाच्या मूलभूत गरजा मानल्या जातात. यातील वस्त्राची गरज शिवणयंत्राशिवाय भागणे शक्यच नव्हते. जगातल्या सर्व देशांमध्ये सातत्याने चालणारा व्यवसाय हा शिवणाचा आहे. या व्यवसायाचा जनक सिंगर याने हा व्यवसाय जगभर कसा पोहचवला याची ही कहाणी...

कोणत्याही व्यवसायाच्या वाढीसाठी, प्रसारासाठी त्याच्या शाखा अथवा फ्रॅंचायझी जास्तीत जास्त असणं हे चांगलं मानलं जातं. अर्थातच सर्व ठिकाणी गुणवत्ता एकसारखी असणं हेही तितकंच महत्वाचं आहे. संगणक शिक्षणाच्या बाबतीत एमकेसीएलने 8000 हून अधिक फ्रँचायझी देण्याचा प्रयोग यशस्वी केलेला आहे, तो कसा हे जाणून घेऊया.

देवयानी मांडवगणे या तरुणीनं स्वत:चा 'योग-उर्जा' स्टुडिओ कसा उभारला, आरोग्य क्षेत्रातली व्यवसाय संधी शोधून त्याचं सोनं कसं केलं, त्याची गोष्ट!

आय.टी.मध्ये नोकरी करणाऱ्या पल्लवी उटगी यांनी स्वत: आई झाल्यानंतर नोकरीला रामराम करून एका उद्योगाची सुरूवात केली. हा उद्योग त्यांना सुचला तो त्यांच्या मातृत्वादरम्यान, बाळाला लागणाऱ्या उत्तम, आरोग्यदायी डायपर्सच्या गरजेतून. भारतात अनेक प्रकारची डायपर्स मिळतात, शिवाय जुन्या काळापासून लहान बाळांकरता लंगोटही वापरले जातात, तरीही हे पर्याय पल्लवी यांना का सोयीचे वाटले नाहीत? मग त्याकरता त्यांनी कोणता पर्याय शोधून काढला? त्याचंच रुपांतर पुढे उद्योगात कसं झालं, त्याचीच ही कहाणी! ऐका, मिलिंद कुलकर्णी यांच्या आवाजात.

उद्योजकता म्हंटल्यावर काही ठराविक उद्योग डोळ्यासमोर येतात, पण चाकोरीपेक्षा वेगळे व्यवसाय निवडणारी मंडळीही असतात. टॉयलेट हा उद्योग बनू शकतो, असा विचारही सहसा केला जात नाही. राजीव खेर यांनी तो केला आणि टॉयलेटचाही उद्योग होऊ शकतो, हे सिद्ध केलं. त्यांच्या नव्या पायवाटेविषयी…

अशाच विचारांनी प्रेरित झालेल्या आणि त्यासाठी अबुधाबीची भरभक्कम पगाराची नोकरी सोडून भारतात उद्योग उभ्या करणाऱ्या विजय माने यांची ही कहाणी…

'शारंगधर' हे नाव वा आयुर्वेदिक औषधांचा ब्रॅंड आज घरोघरी परिचित आहे. विविध व्याधींवरील गुणकारी औषधांच्या या ब्रॅंडने ही किमया कशी साधली? डॉ. जयंत अभ्यंकर यांनी या उद्योगाचा पाया घालून तो कसा भरभराटीस आणला आणि आरोग्यदायी अशी ख्याती कशी मिळवली, त्याची ही गोष्ट!

2010 मध्ये पुण्यातली जर्मन बेकरी बॉब्मस्फोटानं हादरली. या धक्क्यातून सावरत या हॉटेलनं पुन्हा फिनिक्स पक्ष्यासारखी राखेतून भरारी घेतली. कशी? ते ऐकुया, यशस्वी उद्योजकच्या या भागात मिलिंद कुलकर्णी यांच्यासह.

कोणत्याही उद्योगाचा केंद्रीभूत घटक म्हणजे ग्राहक. आपल्या नावीन्यपूर्णतेने ग्राहकांच्या समाधानाची खात्री करून घेणं कोणत्याही उद्योजकाला क्रमप्राप्त आहे. मात्र त्याकरता कोणकोणत्या दिव्यांतून जावं लागतं, काय काय करावं लागतं, याचा वस्तुपाठ म्हणजे ही कहाणी. ऐका, मिलिंद कुलकर्णी यांच्यासह!

केवळ पुण्यातच नव्हे, तर जगभर प्रसिद्ध असलेल्या 'वाडेश्वर' हॉटेलच्या यशस्वितेची ही कहाणी ऐका, मिलिंद कुलकर्णी यांच्यासोबत.

महिलांमध्ये उद्योजकता उपजतच असते. काहींना ती सिद्ध करण्याची संधी मिळते, काहींना मिळत नाही. कुटूंब चालवण्यासाठी भाजी विकणं, मेस चालवणं, शिवणकाम करणं असे अनेक उद्योग हजारो महिला करतात. उपलब्ध उद्योगसंधींचा चांगला फायदा करून घेतात. अशाच हरहुन्नरी महिलांमधील उद्योजगता हेरून त्यांच्या व्यवसायाला बळकटी देण्याचं काम 'अन्नपूर्णा' या संस्थेच्या माध्यमातून मेधा सामंत गेली अनेक वर्ष करत आहेत. म्हणजे मेधाताई नेमकं काय करतात? ऐका मिलिंद कुलकर्णी यांनी सांगितलेली 'अन्नपूर्णा'ची ही कहाणी.

उद्योजकतेच्या संधी ठायी ठायी विखुरलेल्या असतात. हाडाचा उद्योजक त्या नेमकेपणानं हेरतो आणि त्याचं एका उद्योगात रुपांतर करतो. उद्योग कशाचाही करता येतो. लोकांच्या गरजा आणि आपल्याकडची उत्पादनक्षमता यांचा ताळमेळ जमवता आला तर उद्योजक बनणं अवघड गोष्ट नाही.

कोणत्याही उद्योगाला, व्यवसायाला आपलं उत्पादन, सेवा ग्राहकांपर्यंत घेऊन जाण्यासाठी आणि तिचं महत्व ग्राहकांच्या मनावर परिणामकारकेतेने बिंबवण्यासाठी गरज असते ती ब्रॅंड नेमची आणि असं आकर्षक ब्रॅंड नेम मार्केटिंगमार्फत लोकांपर्यंत अधिकाधिक पोहोचवण्याची.

कॅड ही संगणकप्रणाली वापरून अनेक सॉफ्टवेअर्स बनवता येतात. प्रत्येक उद्योगाच्या गरजेप्रमाणे त्यांचं स्वरूप बदलतं. अनेक उद्योगांना अशी सॉफ्टवेअर्स तयार मिळाली तर बरीच मदत होते. हेच लक्षात घेऊन पुण्यात दोन मित्रांनी कॅडकॉम्पचा व्यवसाय सुरू केला. काय आहे हा आगळावेगळा व्यवसाय...जाणून घ्या या यशोगाथेतून. मिलिंद कुलकर्णी सांगत आहेत, 'कहाणी मैत्रीची यशस्वी उद्योजकतेची'

अनेकमजली अशा या भव्य दुकानात लग्न वा इतर कोणत्याही समारंभाकरता शेकडो प्रकारचे पारंपरिक पोशाख मिळतात. या दुकानाला लोकांची खूप पसंती मिळते. असं काय खास आहे या दुकानात…आणि या उद्योगाची जन्मकहाणी ऐकुया यशस्वी उद्योजकच्या या भागात.

महात्मा फुले आपल्याला थोर क्रांतिकारक, समाजसुधारक म्हणून माहीत आहेत, पण ते एक यशस्वी उद्योजकही होते, कसे? सांगत आहेत मिलिंद कुलकर्णी.

पोटासाठी शेतात राबणाऱ्या बबनराव मकदुम यांनी कशी घेतली 'उद्योगभरारी', ऐका मिलिंद कुलकर्णी यांच्यासह…

भेळेचा व्यवसाय एखाद्याला हातावर पोट असलेला भेळवाला ते करोडपती भेळवाला इतकं मोठं करू शकतो. उदरनिर्वाहासाठी चार पैसे मिळवण्यासाठी आईने सुरू केलेल्या या व्यवसायाचं स्वरुप कल्याण भेळेच्या मालकांनी आमूलाग्र बदलून टाकलं आहे. दशदिशांनी वाढणाऱ्या पुण्यातील खवय्यांनी आपल्या पसंतीचा शिक्का कल्याण भेळेवर ठळकपणे उमटवला आहेच, पण परदेशात राहणाऱ्या मराठी मंडळींनी देखील या भेळेला आपलंसं केलेलं आहे.

शेतीवर आधारित अथवा शेतीला पूरक उद्योगांची संख्या अमाप आहे. थेट अन्नधान्याशी निगडीत उद्योगांचा तर त्यात प्रामुख्याने समावेश आहेच. पण इतरही अनेक उद्योग त्यातून उभे राहू शकतात. अशाच एका उद्योगाची आणि उद्योजकाची ही कहाणी…

स्वप्नील हा तरुण उद्योजक जुने कपडे दहा रुपये दराने विकत घेतो आणि त्यापासून विविध उत्पादने तयार करून विकतो. जुन्या कपड्यांपासून नवे कपडे आणि इतर वस्तू बनवण्याच्या त्याच्या या आगळ्यावेगळ्या उद्योगाबद्दल ऐका, यशस्वी उद्योजकच्या या भागात.