Schön bisch hie. Hüt geits um d Schuumwyyhärstellig i ganze sächs Variante. Die Wichtigschti (und ou Ältischti) luege mr nis zäme aa.

U när wirds de ou no süess wie verruckt. Hie no d Übersicht derzue.

I erloube mr nach dere Folg e Pouse bis Mitti Jänner 2025. I wott doch ou chli blääterle über d Feschttäg. Drum a dere Stell: gueti Xundheit u häb dr sorg (u de Andere bitte ou)! Bis ganz gly, härzlech dr Ädu Zumbrunn

• ​Schaumweinherstellung
• ​Méthode traditionnelle
• ​Tankgärung
• ​Flaschengärung
• ​Restzucker im Wein

Schön, bisch hie. Klar, Rot u Wyss kennsch natürlech. U a Rosé bisch ou scho mal düregloffe? Aber hey, es git no ne vierti Wyyfarb! Ächt! Im Momänt isch si grad wieder sehr gfragt und isch extrem vielsitig. Los dry.

Wyter müesse mr ou churz d Unterschide im Wald vo de Begriff vo de Naturwyyne kläre.

Bis gly, härzlech dr Ädu Zumbrunn

• Orange Wine
• PetNat
• Naturwein
• Raw Wine

Schön bisch hie. Hüt ghörsch, wie das e Wyypriis ds Stand chunnt u wie dass er sech zämesetzt.

Ds Wyymärli ruumt de mit dr Idee uuf, müglechscht vil Wyy müglechscht lang wölle ds lagere.

So - u itz chasch ds erschte Päckli ou no grad uftue. Happy 1. Advent! Bis gly, härzlech dr Ädu Zumbrunn

• Weinkosten
• Herstellung und Vertrieb
• Weinlagerung

Schön bisch hie. Hüt geits um d Schädlinge vor Räbe und was me dergäge cha mache. Ou geits um Nachhaltigkeit - will eifach mit dr gräbschte Chemiesuppe gäg alles schiesse isch bigoscht nid die beschti Idee.

Ds Wyymärli erklärt de, warum Bordeaux nur für alti Mönsche guet isch.

Härzlech, dr Ädu Zumbrunn

• Schädlinge
• Mehltau
• Nachhaltige Landwirtschaft
• Biologische Landwirtschaft
• Biodynamische Landwirtschaft
• Bordeaux und Burgund

Schön bisch hie. Hüt luege mr mal aa, mit wäm sech Wyy eso vertreit. Uf nöianglodütsch heisst das ja schiins "Foodpairing"....oder um bim Bärndütsch ds blibe: "Vo Gläser u Gable" ... wäge mir "Mit Mässer u Korke" ... oder mach "E Löffel id Fläsche" ... wie ou geng - E GUETE!

Härzlech, dr Ädu Zumbrunn

• Foodpairing
• Wein und Speisen
• Wein zum Anlass

Schön bisch hie, im dütsche Baden het me ar hütige Trube früener Klingelberger gseit. Si isch die aromatischi Pfadilampe vo de Räbsorte u macht immer wieder Spass ou we si vo vilne als ds suur empfunde wird.

Ds Wyymärli verzellt dr de, warum Ihri Cousine nid würklech ds gliche isch.

Härzlech, dr Ädu Zumbrunn

• Riesling
• Riesling Silvaner
• Ampelographie
• Oenologie
• Pomologie

Schön bisch hie. Ir hütige Folge geits um Wyybereitig im Grundsatz. Also wie wird us Trubesaft de eigentlech Wyy? Im Wytere geits drum, wie ner verschlosse und verpackt wird.

U de gits tatsächlech e nöii Rubrik. Plöfferzüg - lah di mal lah überrasche.

Hie no dr Film.

Härzlech, dr Ädu Zumbrunn

• Weinbereitung
• Weinverschlüsse
• Weinverpackung
• Höhlenwein
• Korkgeschmack

Schön bisch hie. Ir hütige Folg geits ume wichtigscht Produzänt im ganze Wyybou. Neeeei dänk nid um Château Petrus und ou no nid um Italie. Es geit um d Räbe höchschtpersönlich. Und was die alti Dame so dür ds Jahr düre tribt.

Ds Wyymärli verzellt de e riise Irrtum zu Bio-Wyy.

Härzlech, dr Ädu Zumbrunn

• ​Weinrebe
• ​Photosynthese
• ​Vitis Vinifera
• ​Bio-Wein